If youre going through hell, keep going

Bloggið flutt

Thu, 16 Feb 2012 09:52:10 GMT

Hæhæ, fékk þau skilaboð að blog.central.is kerfið sé að hætta sem er smá synd enda mjög gott bloggkerfi. Ég þarf þá að færa mig til að halda áfram með updatein, nýja síðan mín heitir blogg.visir.is/kari

Sjáumst það og takk fyrir stuðninginn, kv Kári :)

Rannsóknarniðurstöður

Wed, 04 Jan 2012 16:33:48 GMT

Hæhæ, gleðilegt nýtt ár og takk fyrir allar kveðjurnar og stuðninginn í gegn um tíðina :) Ég fór í rannsóknirnar á mánudaginn og ég er svakalega glaður með að segja að þær komu vel út! Þessar rannsóknir voru ekki eins nákvæmar og þær sem ég fór í síðast, en þær komu vel út og ég get verið nokkuð sáttur næstu 3 mánuði, þangað til næstu rannsóknir koma. 3 mánaða tímabil, þannig rúllar þetta.

Fyrirgefið hvað ég var lengi að pósta, er smá utan við mig. Jólin mín komu sem sagt 2. Janúar :)

Kv Kári

Gleðileg Jól

Wed, 28 Dec 2011 10:19:22 GMT

Langaði bara að óska ykkur sem koma og skoða síðuna mína reglulega og eru að fylgjast með mér gleðilegra jóla og farsældar á komandi ári. Takk innilega fyrir stuðninginn sem mér hefur verið sýndur á þessu erfiða ári. Við Júlíana erum búinn að fara til Boston og það var æðislegt, gistum hjá æðislegu fólki, versluðum út í eitt og borðuðum mjög svo amerískan mat. Jólin eru búin að vera fín og nú strax á nýju ári fer ég í rannsóknir, 2 janúar, þannig að það er erfitt að vera ekki að hugsa um þær þessa daganna.

Kv Kári

Rannsóknadagur settur

Tue, 29 Nov 2011 15:00:13 GMT

Hæhæ, ég er ekki búinn að blogga lengi enda ekkert nýtt frá að segja, ég er bara ennþá mjög glaður eftir rannsóknirnar úr Danmörku. Síðustu vikur hafa verið ansi fínar, hef bara notið þess að vera ekki í meðferð, stundað ræktina og svo næsta þriðjudag fer ég með elskunni minni til Boston. Ferð sem okkur hefur dreymt um að fara lengi.

Við komum heim 14 desember og þá eru ekki nema rúmlega tvær vikur í næstu rannsóknir, en ég hef verið settur í rannsóknir 2. Janúar. Það verður erfitt að njóta hátíðisdaganna í botn þegar að það er svona stutt í rannsóknirnar en ég verð bara að reyna að gera best úr því. En næst á dagskrá er Boston ferðin :)

Er líka þessa daganna að skrifa bók um veikindi mín, af nógu er að taka eftir 5 ára baráttu hingað til. Það er erfitt að rifja ýmislegt upp og skrifa það niður, en ég held að margt fólk gæti haft gott að því að lesa svona bók, og ég get sagt frá hvernig þetta helvíti er á minn hátt, það virðist allavega hafa verið nógur áhugi á blogginu í gegn um tíðina. Veit ekkert hvort eða hvenær ég klára hana, en það væri gamann að hafa bók undir beltinu í staðinn fyrir kannski bs gráðuna sem varð ekkert úr vegna veikindana.

En já, takk fyrir stuðninginn, næsta hindrun er í Janúar og ég reyni að njóta lífsins þangað til, kv Kári :)

P.S Ef einhver hefur séð auglýsta, brúna 66 gráður norður, þórsmerkur úlpu þá var verið að stela þannig frá mér í ræktinni, bara svona ef ótrúlega vildi til, löggan hjálpar manni allavega ekkert

P.S.2. 600 Manns í dag á síðuna og klukkan er ekki nema 3, hvaðan komið þið öll? :)

Endurhæfing hafin

Fri, 21 Oct 2011 13:11:05 GMT

Jæja, eftir góðu niðurstöðurnar gat ég loksins byrjað í endurhæfingu. Ég bý í Mosó og Reykjalundur er hérna rétt hjá þannig að ég fékk að vera í endurhæfingu þar. Það er mikið sem þarf að gera, þolið og þrekið er náttúrulega ekki neitt eftir lyfjameðferðina í sumar, og viðkvæmir vöðvar í kring um hnén og mjaðmirnar á mér hafa rírnað mikið, svo ekki sé minst á að ég hef bætt á mig 12 kílóum!

Markmiðið er að fara úr 96 kílóum í 80, sem er svona, rétt þyngd miðað við mig :). Ég er búinn að vera eina viku í ræktinni og hjá sjúkraþjálfara, held þetta eigi eftir að taka allan vetur, það er svo mikið sem ég þarf að gera! En það er bara enn eitt verkefnið

Ég og Júlíana vorum svo að bóka ferð til Boston snemma í desember:haha:, ætlum loksins að taka okkar verðskuldaða frí, njóta lífsins, versla og skoða okkur um. Við eigum það svo skilið! Fáum að gista hjá æðislegu fólki sem við þekkjum í Boston,

Icelandair leikurinn sem ég tók þátt í um daginn er búin og þótt að ég hafi verið með lang flest likein á facebook af þeim sem tóku þátt til Boston, þá fékk ég samt ekki vinning og enn er ekki búið að hafa samband við mig. Þeir vinna greinilega ekki af meiri heillindum en þetta, verst að þetta er eina flugfélagið sem flýgur ennþá til Boston þannig maður neyðist til að versla við þá.

En nóg um það.

Langar að þakka ykkur enn og aftur fyrir kveðjurnar og góðvildina sem svo margir senda mér, það er mikið af góðu fólki til, ég vona að ég sigri þetta, verði pabbi, mennti mig, skoði heiminn og ég mun þá reyna að deila þeirri lífsgleði með ykkur líka ef það tekst, en það er kannski of snemmt að byrja að tala um það allt. Næstu rannsóknir eru í janúar, nú er bara að njóta lífsins þangað til og vona það besta.

Kv Kári

Niðurstöður komnar

Wed, 12 Oct 2011 11:50:57 GMT

Jæja, á fimmtudaginn fór ég til Danmörku, og á föstudaginn fór ég í skannið Kom heim á föstudagskvöldið og ég og Júlíana fórum í bústað á laugardaginn til að dreyfa huganum og hafa það kósý. Horfðum á fullt af stelpumyndum og borðuðum snakk. Rannsóknirnar komu síðan með faxi frá Danmörku í gær og ég er svo glaður að geta sagt að það kom vel út. Ekkert sem læknunum úti fannst grunsamlegt á PET skanninu. Það þýðir að ég get verið hress næstu 3 mánuði, alveg þangað til næsta skann er, á meðan ætlum ég og júlíana allavega að fara til útlanda. En þetta eru frábærar fréttir og ég er svo glaður :). Fín fyrirfram afmælisgjöf!

Takk fyrir kveðjurnar og bænirnar allir, takk rosalega mikið :). Kv Kári

Danmörk á fimmtudaginn

Tue, 04 Oct 2011 13:35:44 GMT

Jæja, þá er komin dagsetning á danmerkurferðina. Ég flýg út til köben á fimmtudaginn og gisti á hóteli í eina nótt, fer svo í pet skannið á föstudaginn og svo heim á föstudagskvöldið. Ég átti að fljúga út á fimmtudagsmorguninn en ég gat breytt því og flýg seinni partinn. Langar ekki að hafa þessa ferð lengri en ég þarf.

Svo kem ég heim, helgin líður og það er ekki fyrr en í kring um miðvikudaginn sem ég fæ niðurstöðurnar úr þessu, það á eftir að verða stressandi bið. Þetta verður að koma vel út, á eftir að verða svo glaður ef það gerist! Um helgina förum við Júlíana svo kannski í bústað eða eitthvað, til að dreyfa huganum.

Meira var það ekki, vildi bara updeita þá sem koma á síðuna og fylgjast með um hvenær ég fer í skannið

Kv Kári

Blendnar tilfiningar

Fri, 16 Sep 2011 17:41:12 GMT

Hæhæ, jæja, það var rosalega gott að fá niðurstöðurnar úr rannsóknunum á mánudaginn :), ekkert óeðlilegt sást úr þeim öllum, og það eru frábærar fréttir. Léttirinn er hins vegar ekkert rosalega skammvinur því að það á að senda mig til Danmerkur í nýjar rannsóknir(PET-scan), líklega eftir 2-3 vikur. Þær rannsóknir eru ennþá nákvæmari, og eytlakerfið og eiginlega bara allt á annan hátt heldur en tækin hérna heima geta. Þannig að það eru eiginlega hálf blendnar tilfiningar núna, náttúrulega frábært að það sjáist ekki neitt grunsamlegt, en ég get ekki fagnað áhyggjulausara lífi strax því það eru mjög svo stressandi rannsóknir framundan sem ég hef aldrei farið í, þetta er svo erfitt. Þegar að ég kem heim frá Danmörku er svo vikubið í niðurstöðurnar. Ef þær koma vel út, þá á ég vonandi eftir að finna fyrir þessum létti, og lífsgleðin sem fylgir því að vera ekki með neitt krabbameinstengt á döfinni, í allavega 3 mánuði á eftir að koma, þannig að þær verða að koma vel út líka!

Þangað til ég fer til út ætla ég bara að reyna að njóta mín eitthvað, spila smá golf og jafna mig meira eftir lyfjakúrinn.

Þangað til næst, takk fyrir kveðjurnar og bænirnar, kv Kári

Rannsóknarniðurstöður 2/3 - búinn allt kom vel út

Mon, 12 Sep 2011 18:00:06 GMT

Hæhæ, takk fyrir allar kveðjurnar síðan í gær, í dag er búinn að vera erfiður dagur, spítalast á milli í öll tækin. Segulómun, tölvusneiðmynd og beinaskann, er búinn í því öllu og búinn að fá niðurstöðu úr tveimur af þessum, tölvusneiðmyndinni og beinaskanninu. Það voru góðar bráðabyrgðaniðurstöður úr því, ekkert grunsamlegt sem sést við fyrstu sýn :) Á eftir að fá úr segulómuninni sem er líka mjög mikilvæg, er ennþá stressaður, en aðeins minna stressaður en í gær, vildi bara setja þetta inn þótt ég fái ekki úr síðustu rannsókninni fyrr en á morgunn, og það eru margir sem fylgjast með. Ég vona bara að síðustu niðurstöðurnar komi vel út, þá verður stór léttir, maður getur ekki fagnað fyrr en allt er komið vel út

En þetta var bara smá update, kv Kári

Annað update, fékk hringingu frá Halldóru krabbameinslækni í morgunn, hún er veik en hafði samt vaknað til að hringja fyrir mig upp á spítala(hún er fæddur læknir) og gá með rannsóknina og hún var kominn í hús, ekkert grunsamlegt úr þriðju. Er mjög glaður :) núna, næst á dagskrá er fundur með krabbameinslæknunum á morgunn til að sjá með framhaldið, fakk fyrir bænirnar og velvildina

Kv Kári

Rannsóknir á morgunn

Sun, 11 Sep 2011 13:15:21 GMT

Jæja, fjórði kúrinn er búinn, er með svona beinverki núna sem þýðir að hvítu blóðkornin eru á leiðinni upp aftur eftir að hafa verið kýld niður af krabbameinslyfjunum. Það þýðir bara að líkaminn er að jafna sig eftir fjórða kúrinn.

Svo eru rannsóknir á morgunn, fer í tölvusneiðmynd, segulómun og beinaskann, þetta tekur næstum allann daginn en ég ætti að fá bráðabirgðaniðurstöður seinni partinn á morgunn. Ég er svo stressaður, mig kvíðir fyrir þessu öllu, mest fyrir niðurstöðunum að sjálfsögðu. Samt ætti allt að koma vel út, er búinn að vera í harðri meðferð og læknarnir sjá ekki neinn virkan sjúkdóm þannig séð eins og er, en þetta eru bara svo stórar rannsóknir, þessar aðstæður gera mig líka alltaf stressaðan! Að fara þarna í öll tækin, fara síðan heim og bíða eftir símtali sem hefur dóm um alla framtíðina manns.

Vonandi kem ég á morgunn með góðar fréttir

Kv Kári

Fjórða lyfjafjöf

Tue, 30 Aug 2011 16:47:57 GMT

Jæja, í dag byrjaði ég fjórða lyfjakúrinn, fékk öll lyfin áðan og bíð eftir því að vera sleginn utanundir af aukaverkunum og slappleika. Síðustu dagar hafa verið fínir, ég og kærastan fórum í bústaðarferð á föstudaginn, fór á ball á laugardaginn og tók þátt í golfmóti með vini mínum á sunnudaginn. Veðrið skemmdi golfmótið reyndar, en ég kem sjálfum mér á óvart hvað ég get spilað þrátt fyrir hversu veikburða og hvað þrekið er nákvæmlega ekki neitt.

Það eru komnir rannsóknadagur, á mánudaginn þann 12 fer ég í allar rannsóknirnar, ég er svo svakalega stressaður það er ekki fyndið, þegar að ég hugsa um þetta þá bara brotna ég að innann. Ég verð bara að reyna að vera bjartsýnn, en það er svo erfitt, mig langar svo að eignast fjölskyldu og gera svooo margt! Það er hægt að taka það allt af manni á einu bretti, og helvítis krabbameinið hótar því stanslaust. Það er svo erfitt að búa við það.

Langar að þakka öllum sem likuðu Icelandair síðuna mína , ég er þakklátur, yfir 1000 manns sem gerðu það, en Icelandair hefur ekki haft samband við mig, hefur örugglega einhver verið með fleiri. En takk samt fyrir viðtökurnar! Þeir sem eiga eftir að likea geta kannski hjálpað, veit ekki hvernig þessi skrítni leikur virkar, en það væri æðislegt að vinna ferð til Boston.

http://www.icelandair.is/specials/pages/is/uppahaldsborg/umsogn/item528820/

Hérna fyrir neðan eru svo nokkrar myndir frá ferðinni okkar júlíönu um þjórsárdalinn :) Mér finnst svo gamann að skoða landið með henni og lenda í einhverjum ævintýrum

Kv Kári

Þokast

Fri, 19 Aug 2011 12:38:00 GMT

Á þriðjudaginn fékk ég seinni lyfjaskammtinn í þriðja kúrnum, þessa daganna er ég hvað lægstur í hvítum blóðkornum, þau taka upp á því að hverfa bara úr líkamanum mínum í nokkra daga í hvert skiptið sem ég fæ lyf. Svo er ég ekki með milta, sem er stór hluti af ónæmiskerfinu, þannig að það sem heldur mér gangandi eru bara sýklalyf og aftur sýklalyf, tek 3 mismunandi þannig, og svo kemur hjúkrunarfræðingur heim til mín og sprautar mig með sýklalyfjaforða einu sinni í mánuði.

Fyrir þá sem hafa ekki fengið sýklalyfjasprautu get ég bara sagt eitt, það er ógeðslega vont! Stórar nálar og svo er þetta svo örfandi lyf fyrir húðina, tekur alveg yfir mínútu að sprauta þessu öllu inn, en sem betur fer er þetta bara einu sinni í mánuði.

Öll þessi sýklalyf eru svo ég fái ekki sýkingu þegar að ég er svona lár í blóðkornum út af krabbameinslyfjunum, sýkingar fyrir mann með svona bælt ónæmiskerfi og ekkert milta geta verið stórhættulegar.

Síðan talaði ég við Helga lækni í gær og við ákváðum tíma fyrir rannsóknirnar, mig er strax farið að kvíða fyrir, en þær eru settar í kring um seinni partinn á september. Þá eru akkurat 5 ár liðin síðan að ég greindist fyrst. Í fimm ár hef ég verið að berjast við þetta helvíti og enn sér ekki fyrir endan á þessu. Þjáningin þessi 5 ár hefur verið svo ótrúlega mikil yfir viss tímabil, það er bara ekki hægt að koma því í orð. Þannig að þegar að ég lít til baka og hugsa ef ég hefði ekki fengið þetta ógeðslega verkefni sem hefur plagað mig síðustu 5 árin, þá held ég að lífið mitt væri allt öðruvísi í dag.

Ég væri líklegast að fara að útskrifast úr háskóla næsta vor, með einhverja skemmtilega viðskiptagráðu eða sálfræðigráðu, núna hef ég reynt tvisvar við háskólanám og náð öllum prófum sem ég hef tekið, en ég er ekki einu sinni búinn með fyrsta árið því veikindin hafa alltaf bankað upp á í endan skólaársins, hef tekið 5 lokapróf og náð þeim öllum. Ég væri líka pottþétt orðinn meistaraflokkskylfingur sem tæki golfið miklu alvarlegar, ég væri örugglega í góðu líkamlegu formi eins og ég hef eiginlega alltaf verið, en ekki 90 kílóa sterahlunkur eins og ég er í dag(maður fitnar svo á sterum í krabbameinsmeðferðum, sterarnir hjálpa við ógleðini)

Lífið mitt væri allt öðruvísi heldur en það væri í dag ef þetta ógeð væri ekki búið að plaga mig endalaust, en ég veit líka að ég hef fullt til að vera þakklátur fyrir. Margir lifa ekki í 5 ár, margir hafa ekki allan stuðningin sem ég hef haft, margir finna ekki draumaprinsessuna :) og margir hafa ekki haft tækifæri til að ferðast um heiminn af og til eins og ég hef fengið. Hinir hlutirnir sem ég hef misst af, háskólinn, golfið og fleira, þetta get ég allt lagað og unnið í ef ég bara fæ að vera frískur, ef ég fæ núna 2 ár þar sem ekkert sést ætti ég að vera nokkuð öruggur um að þetta væri búið. Mjög erfitt að spá í þessu öllu núna í miðri meðferð, ekki vitandi hvað gerist í næstu rannsóknum eða þarnæstu, en það væri svo gott að sigra þetta! Það er minn stærsti draumur!

Í vor ætluðu ég og Júlíana að fara samann til Boston, en við þurftum að hætta við þá ferð því ósköpin gengu yfir, aðgerðin og svo greiningin, svo krabbameinslyfjakúrinn. Við stefnum á að fara út í haust eða vetur aftur, Icelandair er með svona "like" leik á facebook, meigið endilega kíkja á linkinn hérna fyrir neðan og gera "like" við umsögninni frá mér neðarlega á síðunni. Icelandair borgaði okkur ekki einu sinni fullt fargjald til baka þegar að við þurftum að hætta við í vor, sem er lélegt, sérstaklega fyrir fyrirtæki sem þykist standa við bakið á krabbameinssjúkum börnum. Væri gamann að vinna leikinn hjá þeim núna, myndi hjálpa okkur að komast út :) Það eru rúmlega 300 manns sem koma á síðuna mína á dag, oft alveg upp í 500, ætti að eiga góðann séns ef ég fæ ykkur í lið með mér!

http://www.icelandair.is/specials/pages/is/uppahaldsborg/umsogn/item528820/

Takk fyrir kveðjurnar, les þær alltaf, kv Kári :)

Þriðja lyfjagjöf, hálfnaður

Wed, 10 Aug 2011 10:23:27 GMT

Í gær fékk ég fyrstu lyfjagjöfina í þriðja kúrnum, sit því heima núna með slæmt bragð í munninum, mjög heitt í andlitinu og almennt slappur. Síðustu 2-3 vikur hafa verið leiðinlegar þannig séð, var veikur í 2 vikur meðan að ég var á lyfjakúrnum og svo fékk ég eina ágæta þar sem ég gat spilað smá golf og farið í bústað með nokkrum vinum mínum og kærustuni. Það var fínt, þótt að það blundaði alltaf í manni að maður var að fara í næstu lyfjameðferð strax eftir helgina. Það er mjög erfitt að njóta lífsins í svona ströngum lyfjakúr, með allar hugsanirnar, óvissuna sem nagar mann að innann allann daginn og leiðan sem bregst út. Maður reynir þó að njóta sumra daga eins og maður getur, þegar að ég get verið með kærustunni, þegar að ég vakna og sé hana brosa framan í mig áður en hún stekkur af stað í vinnuna, er oft bara toppurinn á degi sem fer í slappleika, sjónvarpsgláp og mók upp í rúmi. Og þegar að ég get tekið golfhring eða hitting með vinum mínum einu sinni á 3 vikna fresti, þá gleymir maður sér í smá stund. Mamma og pabbi reyna að gera allt sem þau geta fyrir mig, en það er bara ekkert sem er hægt að gera í raun nema bara passa að ég fái lyfin mín á réttum tíma og það sé til matur sem ég get sett ofan í mig í ískápnum

Þegar að 4 lyfjakúrar eru búnir fer ég í rannsóknir, ég vona svo innilega að þær komi vel út, að þetta hafi bara einskorðast við miltað, sé ekki komið nein staðar annarstaðar, að allar góðu fréttirnar síðustu 3 árin séu ekki fyrir bý. Ef rannóknirnar koma vel út get ég setið sáttur í 3 mánuði í viðbót, stundað ræktina eftir þessi átök, safnað kannski smá hári og farið í utanlandsferð með Júlíönu sem við eigum svo sannarlega skilið. Helgi læknir segist vera mjög viss um að ekkert sjáist á myndunum, sérstaklega því ég er í svo strangri meðferð, það huggar mig, en ég hef lært að taka engu sem gefnu í þessu ógeði

Önnur lyfjagjöf byrjuð

Tue, 19 Jul 2011 22:01:07 GMT

Í fær fór ég í annan kúrinn, hef ekkert með það að segja svosem, hef notið þessarar pásu sem ég hef haft undanfarnar 2 vikur og meðan að ég hef getað verið hress, fór með kærustuni á vík í mýrdal, skoðuðum dyrhólaey, reynisfjöru og reynisdranga. Það var mjög gamann, svo tók ég þátt í meistaramótinu í golfklúbbnum, það var líka mjög skemmtilegt þótt að gengið hefði nú ekki verið mjög gott, endan kannski ekki við öðru að búast frá manni sem hefur ekki getað sveiflað golfkylfu í allt sumar meðan að allir þeir sem ég var að keppa við voru í toppformi, ég allavega stóð mig ágætlega vill ég meina :) Langar að þakka þeim hjá golfklúbbnum fyrir að leyfa mér að vera með, framkvæmdastjórinn hann Haukur hjálpaði mér eins og hann gat.

Svo byrjaði ég annan lyfjakúrinn í gær, er orðinn slæmur í munninum starx, enda ræðst þetta á slímahúðina eins og ég veit ekki hvað, svo verður tekinn staðan eftir viku til að sjá hvort að ég get fengið seinni lyfjaskammtinn, þessi er samt sá stærsti, og ég vona að þegar að hvítu blóðkornin fara að minnka mikið þá sleppi ég við sýkingu eins og síðast, langar ekki að vera inná krabbameinsdeild í 2 vikur bundinn við milljón tæki, með næringu í æð o.s.f

Læt ykkur vita hvernig gengur, hérna eru nokkrar myndir af okkur frá þarsíðustu helgi þegar að við skoðuðum suðurlandið aðeins

Fyrsti kúrinn búinn

Fri, 01 Jul 2011 11:43:10 GMT

Hæhæ, núna er ég búinn að fá fyrstu lyfjagjöfina mína, fyrstu í þessum kúr en þá 15 yfir allt. Ég var mikið slappur fyrstu vikuna og núna þegar að það eru 11 dagar búnir þá er ég aðeins farinn að braggast. Það fylgir þessu svona allt mögulegt eiginlega, sárindi í slímhúðinni, slappleiki, höfuðverkir, magarverkir, ógleði, munnþurkur, blóðnasir svefnleysi, beinverkir, verkir í nöglum, útbrot, svona eins og að lifa 10 daga í röð í ógeðslegustu þynku ever

Ég átti að fá annað lyf í þessari viku sem er partur af þessum kúr en læknirinn minn hann Helgi taldi að það væri of mikil áhætta fyrir mig. Var það slappur í slímhúðinni og með það lágar blóðflögur að hann vildi ekki að ég fengi fleiri lyf því þá hefði sýkingarhættan aukist svo mikið, síðast þegar að ég fékk svona sýkingu í krabbameinsmeðferð fékk ég lífhimnubólgu og varð miklu veikari en þetta, var inná spítalanum í tvær vikur á milli heims og helju. Þetta vildi hann að gerðist ekki þannig að ég slepp við lyfin í þessari viku. Það er ekki stór skammtur sem ég missi af samt, þetta er bara eitt lyf sem ég missi af en ég fékk stóra lyfjakoktelinn í síðustu viku og það er hann sem skiptir mestu. Þessi lyfjameðferð er forvarnarmeðferð segir Helgi, og vonandi er verið að dæla þessum lyfjum í heilbrigðan einstakling, en þetta er svo slóttugur sjúkdómur að maður þorir ekkert að segja. Meinvarpið var búið að vera í miltanu í meira en ár, maður veit aldrei hvort að það séu einhverjir sýktir staðir eða ekki, það eru alveg eins líkur á því. Tek eiginlega bara einn dag í einu þessa stundina og vona að mér verði gefið það tækifæri að blómstra sem eiginmaður, pabbi o.s.f einhvern daginn. Allavega hlutir sem mann dreymir um

Núna hef ég tvær vikur til að ná mér og svo byrjar næsta lyfjagjöf, ætla að reyna að njóta sumarsins smá, spila golf og flakkast eitthvað með kærustuni minni :)

Kv Kári